Konu: III. Selim'in Naatı

N'ola fahr etse yazarken hame na't u midhatin,
Ol Resul-i Kibriyanın vasf-ı zat-ı devletin.

Bi-nazir mahbub-ı Hak'tır görmemiş mislin felek,
Nurdan bir serve benzetmiş görenler kametin.

Hilkat-i dünya bais zat-ı pakindir senin,
Arşdan a'la ya Resulallah kadr ü rif'atin.

Hamd ola Hakk'a bizi çün ümmetinden eyledi,
Şükrün etmek nice mümkündür bu uzma nimetin.

Daima zikr-i salatım ola evradım benim,
Olur ise ey şeh-i taht-ı risalet himmetin.

Mülhem oldun yazmaya bu nüsha-i vassafi çün,
Ta şefaat eyleye bu na't-ı pake himmetin.

Nin salat ile selam eyler revan-ı pakine,
Eyler İlhami reca nakd-ı şefaat ruhsatin.